32 ගුණේරිස්ගේ අවතාරය
මැණිකාට පිහිට වෙයි
ගුණේ රිස්ලා පාරම්පරික ඉඩම් හිමිකරුවෝය. සය දෙනකුගෙන් යුත් පවුලේ බාලයාවූ ඔහුට මහගෙදර හිමිකාරිත්වය මෙන්ම අක්කර පහ හයක ඉඩම් ද හිමි වී තිබුණි. කාලය කෙමෙන් ගෙවී ගියේය. නන්දාවතී උස් මහත් වූ යුවතියක වෙද්දී මෙතෙක් කල් පැවති මාමා සහ දියණියගේ සෙනහස නොදැනුවත්වම ආදරයක් දක්වා දුර දිග ගොස් තිබුණේ කිසිවකු හෝ නොදැනුවත්වමය.
කුඩාකල සිටම පවුලේ අය මෙන්ම ගමේ හිතවතුන්ද ‘මුන් දෙන්නා හරියට ගෑනියි මිනිහයි වගේනේ’ යනුවෙන් විහිළුතහළු කරන්නට වූයේද මොවුන් දෙදෙනා අතර පැවති සමීපත්වය හේතුවෙන්මය. නන්දාවතීගේ පියා මෙම සබඳතාවට දැඩි ලෙසම විරුද්ධ විය. නන්දාවතීට වයස දහසය පසුවත්ම සිය අක්කාගේ දියණිය පිළිබඳ බලාපොරොත්තු රඳවාගත් ගුණේරිස් නන්දාවතී නෑකමට තම දියණිය බව පවා අමතක කරමින් ඇය පිළිබඳ විවාහ යෝජනාවක් තම සහෝදරිය වෙත කළේය. එහෙත් එය එක්වරම ප‍්‍රතික්ෂේප වූයේ ඔහු කිසිසේත් බලාපොරොත්තු නොවූ ලෙසය.
ගුණේරිස්ගේ මේ අයුතු යෝජනාවට දැඩි සේ විරුද්ධ වූ නන්දාවතීගේ පියා මේ අතරතුර නන්දාවතීය විවාහ යෝජනාවක් ගෙන ආවේය. කෙසේ හෝ අවසානයේදී උපන්දා සිට ඇයට පෙම්කළ ගුණේරිස්ව අමතක කරදමා වෙනත් විවාහයක් කරගැනීමට ඇයට සිදුවුණි. නන්දාවතීගේ විවාහයත් සමගම ගුණේරිස් ගම හැර දා ගියේ ඔහුගේ සිතේ ඇති වූ කම්පනය දරාගත නොහැකිවමය.
විවාහයෙන් පසු කාලය ගෙවී ගියේ නන්දාවතී දෙදරු මවක් බවට පත්කරලමිනි. ගම හැරදා ගිය ගුණේරිස් නන්දාවතීගේ විවාහයෙන් වසර දහයකට පසු පිටගමකදී රෝගාතුරව මියගිය බව දැනගන්නට ලැබුණි. නෑදෑයන් මිනිය රැුගෙන ඒමට යන විටත් ගුණේරිස්ගේ දේහය රෝහලෙන් භූමිදානය කර තිබුණේ ඔහුට භාරකරුවකු නොවූ නිසාය. ගුණේරිස්ගේ ඉඩකඩම් සියල්ල නන්දාවතීගේ වැඩිමහල් අ ය ි ය ා ෙ ග ් පාලනයට පත්විය. එයට හේතු වූයේ එම ඉඩම් සියල්ලම ගුණේරිස් ඔහුට ලියා තිබීමය.
නන්දාවතී තම පියාගෙන් ලැබුණු ඉඩමේ නිවසක් තනා එහි පදිංචිවී සිටියාය. නන්දාවතීව ගමෙන් එළවා ගැනීමට ඇයගේ වැඩිමහල් සොහොයුරාගේ බිරින්දෑට ප‍්‍රබල අවශ්‍යතාවක් පැවතියේය. එක් දිනක් රාත‍්‍රියේ ඇයට තදින් නින්ද ගොස් තිබුණි. එදින සිහිනෙන් ඇය වෙතට ගුණේරිස් පැමිණියේය.
‘මැණිකේ.... මැණිකේ’
මැණිකේ යනු ගුණේරිස් ඇයව ඇමතූ නමය.
‘ඉක්මනට ළිඳ දිහා බලන්න’
සිහිනෙන් මෙන් ඇසුණු ඒ හඬින් ඇය තිගැස්සී ඇහැරුණි. ඒ හඬ පැවසූ දෙය ඇයට හොඳින් මතකය. ඇය අරමුණකින් තොරව නැඟිට කුස්සියට ගොස් කුස්සියේ ජන්ලයෙන් ළිඳ දෙස බැලූවාය. දුටු දෙයින් ඇය තිගැස්සී ගියාය. වේලාව රාත‍්‍රී දෙකට පමණ ඇත. අඳුරු ඡුායාවක් ළිඳ දෙසට ගමන් කරන අයුරු ඇය දුටුවාය. ඇය තිගැස්සුණද ශබ්ද නොකරම ඒ දෙස බලාගෙන සිටියාය. ළිඳ ළඟට පැමිණි අඳුරු ඡුායාව ළිඳට යමක් දමා වේගයෙන් නොපෙනී ගියේය.
නිවැසියන්ට මේ ගැන පැවසූ ඇය පසුදින ළිඳ පරීක්ෂා කිරිමේදී ළිඳට වස දමා ඇති බව දැනගන්නට ලැබිණි. නිවැසියන්ගේ ජීවිත බේරුණේ අනූනමයෙකි. ඉන්පසු දිගින් දිගටම බොහෝ තාඩන පීඩන නන්දාවතීට එල්ල වූ අතර නොයෙකුත් හදිහූනියම්, මිනී අළු ඉසීම් මෙන්ම මළයක්ෂ බන්දනවලින්ද ඇයටත් නිවැසියන්ටත් නොයෙක් පීඩා විඳින්නට සිදුවිය. මේ සියල්ලම ඇයගේ ලොකු නෑනණ්ඩියගේ අමනාපකම් මත සිදු කළ ක‍්‍රියාවන්ය.
එක්දිනයක හදිසියේම දහවල නන්දාවතීගේ නිවසේ ඉදිරි දොරට තට්ටුකරන හඬ ඇසුණු අතර, ඒ මොහොතේ නිවසේ කිසිවකුත් සිටියේ නැත. කිසිවකු හෝ නිවසට පැමිණ ඇතැයි සිතූ ඇය නිවසේ දොර හැරියාය. හිඟන්නකුගේ පෙනුම ඇති මිනිසකු දොර අසල සිටගෙන සිටියි.
‘පොඩි මැණිකේ මට මොනව හරි කන්ඩ දෙනවාද?’
ඇය දෙවරක් සිතුවේ නැත. ඇයට සිහිවූයේ ගුණේරිස්වය. ඇය හිඟන්නාව මේසයේ වාඩිකර ඔහුට හොඳින් සංග‍්‍රහ කළාය. හිඟන්නා පිටව යෑමට පෙර ඇයට පින් දුන්නේය.
‘ අ නේ පොඩි මැණිකේ මට සමාවෙන්න. මම ආවේ හිඟා කන්න නෙමෙයි. මට උඩහගෙදර නෝනා මේ ඇසිඞ් එක දුන්නා මැණිකෙට ගහන්න කියලා. මම මේ ඉඩමට ඇතුළු වුණාම මගේ හිත වෙනස් වුණා’ යැයි පැවසූ හිඟන්නා රෙදි කඩක ඔතන ලද ඇසිඞ් පිරවූ බිත්තරය මිදුලට විසිකර පිටව ගියේය.
එදින රාත‍්‍රියේ සිහිනෙන් ගුණේරිස් පැමිණියේය. මැණිකේ උඹව මම අදත් බේරුවා. මේක ඉවරයක් වෙන්න ඕනේ. මම මගේ ඉඩම් ඔක්කොම ලියුවේ උඹට. අයියට නෙමෙයි. අම්මයි, අයියයි එකතුවෙලා හදපු හොර ඔප්පුවක් ඔය පෙන්නන්නේ. උඹ හෙට මහ ගෙදර ගිහින් අම්මගේ ඇඳුම් අල්මාරියේ යටම තට්ටුවේ ඇඳුම් යට තියෙන ඔප්පුව ගනින්. ඒක හරි ඔප්පුව. ඒක අතට ගන්නකන් කිසිම කෙනකුට කියන්න එපා. ඊට පස්සේ සතියකට පස්සේ මනුස්සයෙක් එයි, ඉඩමක් ඉල්ලගෙන. මේ ඉඩම් ටිකයි, ඒ ඉඩම් ටිකයි ඔක්කොම විකුණලා ගමෙන් පිට වෙන්න. ඉඩම් ටික විකුණුවට පස්සේ අම්මා පිළිගනියි එයා වැරැුද්දක් කළා කියලා. ඊට පස්සේ ප‍්‍රශ්නේ විසදෙයි’
එසේ පැවසූ ගුණේරිස් නොපෙනී ගියේය.
පසුදින නන්දාවතී මවගේ අල්මාරියේ තිබූ ඔප්පුව අතට ගත්තාය. ඉඩම් ටික විකිණීමත් සමගම ඇති වූ ගැටලූ අවසන් වූයේ පොලීසියේදීය. නන්දාවතීගේ මව තම පුතා කළ වංචාව පිළිගත්තේ කිසිවකු විසින් ඇය මෙහෙයවන්නා සේය. නන්දාවතීගේ සහෝදරයාට හොර ඔප්පු සෑදීමේ වරදට දඬුවම් විඳීමට ඇයට සිදු විය.
මියගිය ගුණේරිස් තම ජීවිතකාලය පුරාම ආදරය කළ මැණිකාට හිමිවිය යුතු උරුමය යළි රැුගෙන දුන්නේ එලෙසය.
වෛදික ජ්‍යොතිෂ්‍යවේදී
කාංචන ගීත මනමේන්ද්‍ර
0777964474
No comments:
Post a Comment